Լուրեր
Նորագույն սարքավորում Արմենիա ՀԲԿ-ում
Պացիենտների տվյալների արագ մշակումից մինչև գերազանց պատկերավորում. այս ամենը հնարավոր է Aquilion Prime SP համակարգի միջոցով։ Այն առանձնանում է պատկերավորման բարձր որակով՝ յուրաքանչյուր պացիենտի համար ապահովելով ճառագայթման ճիշտ չափաբաժին։
Համակարգում ներդրված ծրագրերը թույլ են տալիս ավտոմատացնել դժվար հետազոտությունները, իսկ AiCE խորը ուսուցման տեխնոլոգիան նվազեցնում է աղմուկը, ապահովում բնական պատկերավորում և բարձր կոնտրաստային թողունակություն՝ նպաստելով ճշգրիտ կլինիկական արդյունքների արագ ստացմանը։
Համակարգը համապատասխանում է տարբեր մարմնակառուցվածք և քաշ ունեցող պացիենտներին։
Այն ապահովում է մի քանի անատոմիական շրջանների պատկերավորում՝ մեկ անգամ շնչառությունը պահելու և կոնտրաստային նյութի մեկ ներարկման միջոցով։
Aquilion Prime SP համակարգը 0,35 վայրկյան տևողությամբ սկանավորման ընթացքում գեներացնում է 160 շերտ մեկ պտույտով՝ ինչը կրճատում է հետազոտությունների իրականացման ժամանակը և բարձրացնում պատկերավորման որակը։ Այս առանձնահատկությունը համակարգը դարձնում է օգտակար նույնիսկ արտակարգ իրավիճակների դեպքում:
