Լուրեր
Կոկորդի էնդոլարինգեալ վիրահատություններ․ քիթ-կոկորդ-ականջաբան Սոնա Մանուկյան
Կոկորդի ախտահարումների առանձնահատկությունները
Ժամանակակից քիթ-կոկորդ-ականջաբանության խնդիրների շարքում կոկորդի ախտահարումներն ամենահաճախ հանդիպողներից են:
Ի՞նչ պատճառներով են առաջանում կոկորդի հիվանդությունները
Կոկորդի հիվանդություններն առաջանում են ձայնի չարաշահումից՝ հիմնականում ձայնի հետ կապված մասնագիտություն ունեցող անհատների մոտ, օդի ախտոտվածությունից, վնասակար սովորությունների ազդեցություններից՝ ծխել և այլն:
Ինչպե՞ս են դասակարգվում կոկորդի նորագոյացությունները
Կոկորդի նորագոյացությունները միմյանցից տարբերվում են հյուսվածքաբանորեն, չափերով, ըստ տեղակայման:
Ախտանշանները
Կոկորդի խնդիրների ժամանակ առաջանում են տարբեր գանգատներ կոկորդում՝ թեթև անհանգստությունից մինչև ձայնի կոպիտ խանգարումներ, դժվարաշնչություն:
Պետք է զգոն լինել և առաջին իսկ գանգատի դեպքում դիմել բժշկի օգնությանը:
Կոկորդի հիվանդությունների ախտորոշման մեթոդները
Կատարվում է կոկորդի էնդոսկոպիա, լարինգոսկոպիա:
Կոկորդի խնդիրները ժամանակին հայտնաբերելու համար անհրաժեշտ է պլանային կարգով պարբերաբար կատարել կոկորդի էնդոսկոպիկ հետազոտություն, որի միջոցով հնարավոր է զննել մակկոկորդը, ձայնալարերը և հարակից հյուսվածքները, նկատել փոփոխություններ, որոնք հայելու միջոցով կատարվող անուղղակի լարինգոսկոպիայի ժամանակ անտեսանելի են:
Կոկորդի բոլոր հիվանդությունները վաղ ախտորոշման դեպքում արդունավետ բուժվում են:
Կոկորդի հիվանդությունների վիրահատական բուժումը
Էնդոլարինգեալ վիրաբուժության նպատակը կոկորդի նորագոյացությունների հեռացումն է՝ օրգանը պահպանելով: Էնդոլարինգեալ վիրահատությունները փոքրածավալ վիրահատություններ են, որոնք կատարվում են լարինգոսկոպի միջոցով, մանրադիտակի օգնությամբ, տեսողական հսկողության տակ:
Միջամտությունը կատարվում է էնդոտրախեալ անզգայացմամբ, այսինքն շնչափողը փակվում է խողովակի միջոցով, իսկ թոքերի արհեստական շնչառությունն ապահովվում է հատուկ գործիքներով:
Այս միջամտությունից հետո վիրահատվածը մեկ-երկու օր կարիք ունի քիթ-կոկորդ–ականջաբանի հսկողության:
Բոլոր էնդոսկոպիկ վիրահատությունների առավելությունն է կարճատև վերականգնողական շրջանը:
