Պացիենտների համար

Աղիների միկրոֆլորան աղեստամոքսային համակարգի առողջության գրավականն է:

Աղիների բակտերիաները սնվում են բջջանքով և սննդային թելիկներով, որոնք բարդ ածխաջրատներ են ու չեն յուրացվում օրգանիզմի կողմից, սակայն քայքայվում են բակտերիաների միջոցով: Քայքայման արդյունքում միկրոբներն արտադրում են ճարպաթթու, որով սնվում են օրգանիզմի բջիջները:

Որպեսզի այդ համագործակցությունը դրական և արդյունավետ լինի, անհրաժեշտ է.

• Սննդակարգում ներառել բարդ ածխաջրատներ։ Դրանք կարելի է ստանալ հատիկավորներից, բանջարեղենից, մրգերից, հատապտուղներից, կանաչեղենից: Եվ որքան բազմազան է սնունդը, այնքան բազմազան է աղիքային միկրոֆլորան, իսկ որքան բազմազան է միկրոբային համակեցությունը, այնքան ավելի արդյունավետ են բակտերիաներն իրականացնում իրենց գործառույթները. արտադրում են ճարպաթթու, լավացնում են մարսողությունը, աղիները պաշտպանում են ախտածին միկրոբներից, վերամշակում են բջջանքը (օրգանիզմին ամեն օր անհրաժեշտ է 30 գր բջջանք):
• Զբաղվել սպորտով: Ֆիզիկական մարզումը դրական ազդեցություն է թողնում օրգանիզմի միկրոֆլորայի բազմազանության վրա: Հատկապես օգտակար են աէրոբ մարզումները՝ վազք, լող, պար, աէրոբիկա, հեծանվային և դահուկային սպորտ, այսինքն, այնպիսիները, որոնց ժամանակ մեծ քանակի թթվածին է ծախսվում:

Պետք է չմոռանալ կանոնավոր հաճախել գաստրոէնտերոլոգին, քանի որ աղեստամոքսային խնդիրներն այսօր աշխարհում իրենց տարածվածությամբ 3-րդ տեղն են զբաղեցնում հիվանդությունների շարքում: