Պացիենտների համար

Մարդիկ հաճախ պարզապես մոռանում են ջուր խմել, հատկապես դա բնորոշ է տարեցներին և երեխաներին: Սակայն ցանկացած տարիքում անհրաժեշտ է հիշել ջրի լրացուցիչ ծախսի մասին և լրացնել այն՝ օգտագործելով ավելի շատ ջուր, քան՝ սովորաբար:

Օրգանիզմի համար 1 կգ քաշին ջրի նվազագույն պահանջն օրական 30 մլ է, ընդ որում, հաշվարկը պետք է իրականացնել՝ ելնելով նորմալ քաշից, առանց ավելցուկային կիլոգրամների:

Եթե շատ հեղուկ եք օգտագործում, սակայն ի հայտ են եկել այտուցներ, ուրեմն երիկամներն ընդունակ չեն ջրի այդպիսի ծավալը հեռացնել:

Ինչպե՞ս հասկանալ՝ բավարա՞ր է խմած ջուրն օրգանիզմին։

Դա պարզել կարելի է մի քանի վայրկյանում․ բավական է մաշկի ձգվածության կամ թեստն անել.

• ձեռքը պահել առաջ,
• երկու մատով բռնել դաստակի մաշկը,
• մի փոքր այն ձգել և բաց թողնել։

Եթե օրգանիզմում հեղուկի քանակը բավարար է, ապա մաշկն անմիջապես հարթվում է, եթե հեղուկը քիչ է, ապա մաշկն այդ տեղում մնում է կնճռոտ և որոշ ժամանակ անց միայն ուղղվում է:

Բանն այն է, որ մաշկի առաձգականությունը կախված է օրգանիզմում առկա հեղուկի քանակից: Եթե այն քիչ է՝ մաշկը դառնում է չոր և թոշնած: Բացի այդ, ջրազրկումը կարող է արտահայտվել նաև հետևյալ նշաններով.

• գլխապտույտ,
• հոգնածություն,
• բերանի լորձաթաղանթի, շրթունքների և աչքերի մեջ՝ չորություն,
• մեզի մուգ դեղին գույն,
• միզարձակումն օրվա ընթացքում 4 անգամից պակաս է։