Պացիենտների համար

Կոնտագիոզ մոլյուսկը մաշկային  վիրուսային վարակ է, որն առաջացնում է պոքսիվիրուսը (molluscum contagiosum):

Հիվանդությունը հաճախ ախտորոշվում է 1-10 տարեկանների մոտ, հազվակի՝ մեծահասակների մոտ: Այն արտահայտվում է մարմնագույն գմբեթաձև հանգույցներով: Սեղմելիս հանգույցներից դուրս է գալիս սպիտակ, կաթնաշոռանման զանգված:

Հիվանդությունը վտանգավոր չէ առողջության համար, սակայն էսթետիկ առումով տհաճ է և կարող է փոխանցվել շրջապատող մարդկանց: Գաղտնի շրջանը 7 օրից մի քանի ամիս է:

Պատճառները

• Տակտիլ կոնտակտ վիրուսակրի հետ
• Կենցաղային իրերի համատեղ օգտագործում
• Հաճախում լողավազաններ
• Էպիթելի տրավմա /վնասվածքների մեջ կարող է անցնել ինֆեկցիան/
• Անձնական հիգիենայի խախտում
• Պատահական սեռական կապեր /հանգույցներն արտահայտվում են ազդրերի, նստատեղի, արտաքին սեռական օրգանների շրջանում/

Ախտորոշման մեթոդները

Հիվանդությունը կարելի է ախտորոշել անգամ արտաքին զննումով:

Բուժումը

Բարձր դիմադրողականության դեպքում հիվանդությունն անցնում է ինքնուրույն 6 ամսվա ընթացքում: Բայց եթե հանգույցները տեղակայված են կոպերին կամ արտաքին սեռական օրգանների շրջանում, դրանք կարող են հեռացվել մեխանիկորեն կամ ապարատային մեթոդով:

Կանխարգելումը

Անհրաժեշտ է խիստ հետևել անձնական հիգիենային, ուշադրություն դարձնել մաշկին հայտնված ցանկացած ցանավորման կամ էլեմենտի: Եթե տանը կա վիրուսակիր, անհրաժեշտ է սահմանափակել նրա հետ տակտիլ կոնտակտը, առանձնացնել ամենօրյա օգտագործման իրերը: