Պացիենտների համար

Լակտոզայի անընկալությունը սննդային անընկալության տեսակ է, որի դեպքում մարդը չի կարողանում մարսել, կամ վատ է ընդունում կաթը և կաթնամթերքը: Դրա պատճառը ֆերմենտային անբավարարությունն է:

Ախտանշանները

Անընկալության ամենատարածված ախտանշաններն են որովայնի վքնածությունը, որովայնում կծկումները և դիարեան: Երբ օրգանիզմը չի կարողանում մարսել կաթնաշաքարը, ի հայտ են գալիս հետևյալ ախտանշանները.

• որովայնի վքնածություն,
• կուշտ լինելու զգացողություն,
• որովայնում գազեր և աղմուկ,
• որովայնի ցավ,
• սրտխառնոց՝ հազվադեպ փսխումով,
• դիարեա։

Վքնածության և ցավի պատճառը գազերն են, որոնք առաջացնում են հաստ աղու բակտերիաները, երբ վերջինները քայքայում են չմարսված լակտոզան: Կաթը և ճարպաթթուները «ջուր կլանող» հատկություն ունեն, ինչի արդյունքում մեծ քանակությամբ հեղուկ է կուտակվում աղիներում և զարգանում է դիարեա: Լակտոզայի անընկալությունը կարող է արտահայտվել ոչ միայն ստամոքս-աղիքային համակարգում, և նշված ախտանշաններին գումարվում են.

• Գլխացավ,
• Գլխապտույտ,
• հիշողության վատացում,
• մարմնի ցավ,
• ընկճախտ,
• քնի խանգարում,
• սրտի առիթմիա,
• ակնէ։

Չնայած այս ախտանշանները տիպիկ չեն մարսողական համակարգին, բայց երբեմն կարող են արտահայտվել ստամոքս-աղիքային ախտանշանների հետ կամ առանց դրանց:

Ե՞րբ դիմել բժշկի

Եթե առկա են ստամոքս-աղիքային մշտական խնդիրներ, պետք է դիմել բժշկի՝ դրանց պատճառը պարզելու համար:

Լակտոզայի անընկալության բուժումը

Անլակտոզ կամ թեթև լակտոզային սննդակարգի դեպքում հնարավոր է պակասեցնել կամ լիովին խուսափել ախտանշաններից: Իսկ կաթնային որևէ ուտեստ ընդունելուց առաջ պետք է օգտագործել լակտոզա պարունակող պատրաստուկ:

Սննդակարգը

Օրգանիզմին պետք է տալ այնքան կաթնային շաքար, որքան նա կարող է յուրացնել․ դա անհատական է: Ոմանք ընդհանրապես պետք է  բացառեն կաթնամթերքը, իսկ շատերը կարող են օգտագործել քիչ քանակությամբ:

Եթե խնդիրը երկրորդային է, այն հնարավոր է վերացնել՝ բուժելով դրա հիմնական պատճառ հիվանդությունը: