Պացիենտների համար

Ամռանը սննդի նկատմամբ վերաբերմունքը փոխվում է, ավելի շատ ցանկություն է առաջանում օգտագործել աղցաններ և հյութեր, քանի որ օրգանիզմն անցնում է հատուկ ռեժիմի, երբ հեղուկները և վիտամինները ավելի կարևոր են, քան՝ ճարպերը:

Այդ պատճառով անհրաժեշտ է նվազեցնել սննդի կալորիականությունը։

Շոգ եղանակին նվազում է ակտիվությունը, դրա հետ նաև էներգիայի ծախսը: Այդ պատճառով ամռանը պետք է օգտագործել ցածր կալորիականության սնունդ, և դա ցանկալի է իրականացնել ճարպերի հաշվին․

Օգտագործել շատ բանջարեղեն

Ընդ որում, ցանկալի է բանջարեղենն օգտագործել ավելի շատ թարմ վիճակում, քանի որ ջերմային մշակման ժամանակ վիտամիների, հանքանյութերի և հակաօքսիդանտների մեծ մասը ոչնչանում է: Արդյունքն ավելի բարձրացնելու համար դրանք պետք է զուգակցել կանաչեղենի և բանջարների հետ, օրինակ՝ աղցանների տեսքով: Սակայն աղցանները պետք է խուսափել մայոնեզով պատրաստելուց։ Կարելի է ավելացնել մածուն, թթվասեր, բուսայուղ կամ ցիտրուսային մրգերի հյութեր:

Օգտագործել շատ մրգեր և հատապտուղներ

Մրգերը և հատապտուղները հարուստ են վիտամիններով և անտիօքսիդանտներով /հապալաս, ցիտրուսներ/:

Կարգավորել սննդի ռեժիմը

Ցանկալի է նախաճաշել մինչև ժամը 8-ը, ճաշել մինչև կեսօր, իսկ ընթրել ոչ ուշ  ժամը 18-19-ից: Կալորիականության մեծ մասը պետք է բաժին հանել նախաճաշին և ճաշին, իսկ ընթրիքին այն հարկ է հնարավորին ցածր լինի:

Պակասեցնել աղի օգտագործումը

Աղը պահում է ջուրն օրգանիզմում և այտուցներ առաջացնում:

Անհրաժեշտ է շատ հեղուկներ օգտագործել

Ջուր պետք է օգտագործել անգամ առանց ծարավի զգացողության, օրվա ընթացքում 2-2,5 լիտր:

Ամեն օր ուտել կաթնաթթվային մթերք

Դա կարող է լինել մածուն կամ կաթնաշոռ: Ավելի մեծ օգտակարության համար նրանց կարելի է ավելացնել թարմ մրգեր: