Պացիենտների համար

Հոլտեր մոնիթորինգը երկարատև էլեկտրասրտագրության (ԷՍԳ) ժամանակ սրտի աշխատանքը գրանցվում է 24 (երբեմն՝ 48-72) ժամվա ընթացքում: Այդ ընթացքում սրտի կծկումների թիվը հասնում է մոտավորապես 100,000-ի: ԷՍԳ-ն սրտի էլեկտրոնային ակտիվության գրանցումն է կորերի միջոցով;

Ինչպե՞ս է աշխատում Հոլտեր մոնիթորինգը

Երկարատև ԷՍԳ գրանցումն աշխատում է նույն սկզբունքով, ինչպես և միանվագ ԷՍԳ-ն, սակայն գրանցվում են կրծքավանդակի պատի  նվազագույնը երկու շրջանը՝ 24-48 ժամվա ընթացքում:

Կրծքավանդակին ամրացված մի քանի էլեկտրոդները միացվում են գրանցող մոնիթորային սարքին, որը բուժառուն կարող է հարմարավետ կրել հագուստի տակ: Բացի դա, այն ունի հատուկ կրիչ՝ ԷՍԳ-ի առանձին գրանցումների համար: Ախտանշաններ հայտնվելու դեպքում բուժառուն կարող է գրանցմանն ավելացնել, այսպես կոչված, «մարկերներ»՝ սեղմելով սարքի վրա առկա որոշ սեղմվող կոճակներ։

Երկարատև ԷՍԳ-ի ժամանակ կարևոր է նաև, որ բուժառուն ուշադիր հետևի իր գանգատներին և գործողություններին՝ այդ 24 ժամերի ընթացքում և դրանց մասին նշումներ անի օրագրում: Այդ դեպքում բժիշկը կարող է սրտագրի ցանկացած փոփոխություն կապել գանգատների կամ իրավիճակների հետ:

Մոնիթորինգի ավարտման ժամանակ բուժառուն ինքը կարող է անջատել էլեկտրոդները: Իսկ գրանցված սրտագրությունը, սրտի բաբախյունը հաշվարկվում է համակարգչի օգնությամբ ու գնահատվում բժշկի կողմից։

Ինչի՞ համար է անհրաժեշտ Հոլտեր-ԷՍԳ-ն

Հոլտեր-ԷՍԳ-ն անհրաժեշտ է իրականացնել հետևյալ դեպքերում.

• սրտային առիթմիաների հայտնաբերման կամ բացառման համար,
• ուշաթափությունների ախտորոշման համար,
• այնպիսի առիթմիաներ հայտնաբերելու համար, ինչպիսիք են՝ էքսրասիստոլան, տախիկարդիան, բրադիկարդիան,
• դեղորայքային թերապիայի արդյունավետության վերահսկման համար,
• կլյաստիմուլյատորների ներդրման համար։