Պացիենտների համար

Արգանդի փողերի լապարոսկոպիան հնարավորություն է տալիս ախտորոշել առկա ախտաբանությունը և բուժական միջամտություններ կատարել: Մեթոդի արդյունավետությունը բարձր է, իսկ հյուսվածքների տրավմատիզացիան՝ նվազագույն:
Ֆալոպյան փողերի հիմնական գործառույթը բեղմնավորման ապահովումն է: Ձվազատման ժամանակ ձվաբջիջը ձվարանից պոկվելուց հետո փողերում հանդիպում է սպերմատոզոիդների հետ և տեղի է ունենում բեղմնավորում։ Այնուհետև ձվաբջիջը փողերի կծկումների հետևանքով հայտնվում է արգանդում։ Այդ ճանապարհին խոչընդոտի առկայության դեպքում բեղմնավորումը կարող է չիրականանալ, կամ բեղմնավորված ձվաբջիջը մնալ փողերում, և առաջանալ արտարգանդային հղիություն:

Ֆալոպյան փողերի անատոմիական բնածին խնդիրներ հազվադեպ են լինում:  Սովորաբար, դրանք առաջանում են բորբոքման, վիրահատական միջամտության, ուրոգենիտալ վարակների, աբորտի կամ ներարգանդային հակաբեղմնավորիչների երկարատև օգտագործման հետևանքով:

Արգանդի փողերի լապարոսկոպիա կատարվում է հետևյալ դեպքերում.

• կպումներ՝ օրգանի ներսում կամ նրա շուրջ,
• հեղուկի կուտակում՝ խոռոչում,
• կիստոզ գոյացության առկայություն,
• ադենոմիոզ,
• էնդոմետրիոզ,
• ուռուցքային գոյացություններ։

Վիրահատության ընթացքում բժիշկը կարող է նշանակել խրոմոհիդրոտուրբացիա (անցանելիության ստուգում): Դրա համար կաթետeրով ստերիլ կարմիր լուծույթ է ներմուծվում արգանդի խոռոչ:

Մեթոդի յուրահատկությունները

Արգանդի փողերի լապարոսկոպիան կատարվում է ընդհանուր անզգայացմամբ: Վիրահատական գործիքները մտցվում են որովայնի վրա երեք փոքրիկ կտրվածքներով: Որովայնի խոռոչ լցված ածխաթթու գազը հեշտացնում է ներքին օրգաններին հասնելիությունը։ Բացվածքներով մտցվում է նաև տեսախցիկ՝ վիզուալ վերահսկման նպատակով:

Եթե հայտնաբերվում է արտարգանդային հղիություն, բժիշկը կարող է անմիջապես հեռացնել էմբրիոնը։ Միջամտությունը կատարվում է ոչ միայն բուժական, այլ նաև ախտորոշման նպատակով. այն հնարավորություն է տալիս հայտնաբերել փոքր կոնքում առկա կպումները, փողի սեղմվածությունը, արգանդից դուրս էնդոմետրիումի օջախները:

Նախապատրաստումը և հետևանքները

Նախապատրաստումը հիմնականում նույնն է, ինչ ցանկացած վիրահատությունից առաջ: Նախապես իրականացվում են արյան քննություն, հեշտոցի միկրոֆլորայի հետազոտություն, արգանդի վզիկի ցիտոլոգիական հետազոտություն, ՈՒՁՀ, ֆլյուորոգրաֆիա և էլեկտրասրտագրություն:

Վիրահատության հակացուցումները

• Սրտային կամ թոքային անբավարարություն,
• շաքարային դիաբետ,
• •ոկ,
• •րյան մեծ կորուստ,
• վարակիչ հիվանդություններ՝ սրացման շրջանում,
• ստոծանու ճողվածք։

Արգանդի փողերի լապարոսկոպիան հակացուցված է նաև փոքր կոնքում կպումների, արտահայտված ճարպակալման, դաշտանի ժամանակ:

Միջամտությունից առաջ անհրաժեշտ է դադարեցնել հորմոնալ հակաբեղմնավորիչների օգտագործումը, հրաժարվել սեռական հարաբերությունից, մեթիորիզմ առաջացնող մթերքից: Վիրահատությունից 8 ժամ առաջ պետք է չուտել և չխմել: