Պացիենտների համար

Քթից թարախային արտադրությունը հաճախ լինում է կանաչ կամ դեղնավուն, վատ հոտով, կարող է անհանգստացնել նաև գլխացավը, բարձր ջերմությունը, ընդհանուր թուլությունը և այլն:

Պատճառները բազմաթիվ են։ Որպես օրենք, հաճախ հանդիպող պատճառը հարքթային ծոցերի բորբոքումն է: Սկզբում դրանք փակվում են, ապա կուտակվում է լորձը, որը ենթարկվում է բորբոքման: Հաճախակի պատճառներից է նաև քթի խոռոչի վնասվածքը (տրավման):

Բայց ամենահիմնական պատճառը քթի խոռոչի տարբեր հիվանդություններն են:

Հիվանդության սկզբում դիտվում է քթից ջրիկ, սպիտակ, քիչ քանակի արտադրություն: Եթե այն թանձրանում է, ուրեմն խնդիրը խորացել է, և անհապաղ անհրաժեշտ է մասնագիտական մոտեցում:

Հիվանդություններ, որոնք ուղեկցվում են քթից թարախային արտադրությամբ.

• Պոլիպներ
• Հայմորիտ
• Օզենա
• Րինոֆարինգիտ

Որոշ դեպքերում պատճառը օրգանիզմի բակտերիալ խնդիրներն են:

Հայմորիտ

Հայմորիտը միշտ ուղեկցվում է քթից թարախային արտադրությամբ: Այս դեպքում բորբոքվում են վերծնոտային հարքթային ծոցերը: Թարախը կանաչ գույն ունի, երբեմն շագանակագույն բծերով: Պատճառներից է վերին ծնոտի ատամների կարիեսը: Բացի դա հայմորիտը կարող է հետևանք լինել նաև ժամանակին չբուժված շնչառական ինֆեկցիայի, քթի վնասվածքի (տրավմայի), իմունային խնդիրների, գերսառեցման:

Հայմորիտի ախտանշանները.

• Ընդհանուր թուլություն
• Բարձր ջերմություն՝ 38 աստիճան և ավելի
• Գլխացավ, որը չի անցնում դեղորայքի ընդունումով
• Գլխում ծանրության զգացում
• Հոտառության կորուստ
• Քնի խանգարում
• Համային զգացողության խանգարում

Քթի պոլիպներ

Պոլիպները բարորակ գոյացություններ են: Որպես օրենք, դրանք առաջանում են քթի խոռոչում և մեծ չափերի դեպքում բերում են քթի փակվածության, քթով շնչառության վատացման, հոտառության իջեցման, լորձի հեռացման դժվարացման: Կարող են առաջացնել նաև գլխացավեր: Ավելի ուշ միանում է բորբոքային գործընթացը, թարախային արտադրությունը:

Բուժումն այս դեպքում միայն վիրահատական է:

Երբեմն վիրահատությունից հետո էլ կարող է պոլիպի առաջացման կրկնություն դիտվել:

Րինոֆարինգիտ

Այս հիվանդությունը հաճախ ուղեկցվում է քթի և կոկորդի բորբոքումով: Հիմնականում
հանդիպում է վիրուսային հիվանդություններից հետո:

Ախտանշաններն են.

• Այրոց քթըմպանում
• Քթային շնչառության խանգարում
• Ռնգային ձայն
• Քթից տարբեր գույների արտադրություն
• Քթըմպանի այտուց
• Մարմնի ջերմաստիճանի բարձրացում

Բուժումը ժամանակին չսկսելու դեպքում կարող են անդառնալի փոփոխություններ առաջանալ՝ կարող է փոխվել նշիկների հյուսվածքը, ինչը անհապաղ վիրահատականմիջամտություն է պահանջում:

Օզենա

Որոշ դեպքերում օզենան անվանում են ատրոֆիկ րինիտ: Հիմնական ախտանշանը քթի լորձաթաղանթի ախտահարումն է, որն ուղեկցվում է բորբոսի հոտով, հոտառության կորստով, քթում մշտական կեղևիկների առաջացմամբ:

Այն կարող է զարգանալ երկարատև, քրոնիկ դարձած րինիտի հետևանքով:

Բուժումը

Բուժման երկու տարբերակ կարող է առաջարկվել՝ դեղորայքային և վիրահատական: Դեղորայքային բուժան ժամանակ նշանակվում են հակաբիոտիկներ պրոբիոտիկների հետ զուգակցված: Նշանակվում են նաև անոթալայնիչներ՝ քթի այտուցը նվազեցնելու նպատակով: Որոշ դեպքերում օգտագործվում են նաև ցավազրկողներ, քթի խոռոչի աղային լվացումներ: