Պացիենտների համար

Մոլորակի բնակչության քսան տոկոսի մոտ ժամանակ առ ժամանակ դիտվում է հարբուխ, որը հետևանք է լորձաթաղանթի վրա արտաքին գործոնների ազդեցության /փոշի, ալերգեններ՝ ծաղկափոշի, կենդանու մազ, օդի ջերմաստիճան/:

Եթե բուժումն ուշանում է, այտուցը կարող է անցնել լսողական օրգաններին:

Հարբուխի տեսակները

Ալերգիկ սեզոնային հիվանդություն – ավելի տարածված ձևն է, որի ժամանակ դիտվում է քթից առատ, թափանցիկ արտադրություն ամեն տարվա որոշակի շրջանում:

Հաճախ պատճառը որոշ բույսերի ծաղկափոշին է:

Կայուն ալերգիկ հարբուխ – եթե ալերգիկ գործոնը կայուն է, հարբուխը կարող է արտահայտվել ողջ տարվա ընթացքում: Հիվանդությունը ուղեկցվում է նաև աչքի լորձաթաղանթի գրգռմամբ՝ կարմրություն, արցունքահոսություն:

Հիվանդության փուլերը

Քթի լորձաթաղանթի մշտական գրգռող ազդակի դեպքում տարբերում են հետևյալ փուլերը.

Վազոտիկ — Քթի արտադրությունը թափանցիկ է, երբեմն քթի փակվածություն է լինում, որն արագ անցնում է րոպեների կամ երկու ժամվա ընթացքում:

Վազոդիլատացիա — Այս փուլում առատ արտադրությունը քթից մշտական է:

Լինում է քթի պարբերական փակվածություն, որն ինքնուրույն չի անցնում:

Լորձաթաղանթի այտուց քրոնիկ բնույթի— լորձաթաղանթի ախտահարումը դեռևս վերադարձելի է: Արտադրությունն առատ է և ոչ միայն շճային բնույթի. հաճախ այն անթափանց է, թանձր, սպիտակավուն երանգով: Քթի փակվածությունը մշտական է, այն անցնում է միայն քթի կաթիլների օգտագործումից, որոնք միայն ժամանակավոր արդյունք են ունենում:

Լորձաթաղանթի հիպերպլազիա — Առկա է ոչ միայն մշտական արտադրություն քթից, այլ նաև՝ լորձաթաղանթի փոփոխություն:

Այս դեպքում օգնում է վիրահատական միջամտությունը, երբ հեռացվում է քթի լորձաթաղանթի գերաճը:

Հարբուխի տարբերությունը մրսածական րինիտից:

Հարբուխ.

• հայտնվում է հանկարծակի, բացակայում են գլխացավը, ընդհանուր թուլությունը
• հաճախ լինում է այրոց, քոր
• սպաստիկ փռշտոց
• կոպերի այտուց
• առատ, թափանցիկ արտադրություն քթից

Մրսածական րինիտի ժամանակ արտադրությունը թանձր է, դեղնավուն:

Հարբուխ օդի ջերմաստիճանի պատճառով

Ալերգիկ վիճակը կարող է առաջանալ նաև շատ տաք կամ չոր օդի պատճառով: Տաք, չոր օդը, չորացնելով քթի լորձաթաղանթը, առաջացնում է արտադրության հոսք: Այն արտահայտվում է նաև քորով և մաշկային ցանով:

Ցրտի նկատմամբ զգայունությունը նույնպես կարող է առաջացնել քթից առատ հոսք: Դա լինում է ջերմաստիճանի կտրուկ փոփոխության ժամանակ: Ցրտի նկատմամբ ալերգիկ ռեակցիան կապված է օրգանիզմի առանձնահատկությունից: Ջերմաստիճանի փոփոխության ժամանակ ակտիվ կերպով արտադրվում է կրիոգլոբուլին:

Ալերգիայի դեպքում ևս դիտվում է առատ արտադրություն քթից: Լինում է քթի փակվածություն, որն առաջացնում է տհաճություն և անհանգիստ վիճակ:

Կանխարգելում

Ալերգիկ ռեակցիայից խուսափելու համար անհրաժեշտ է.

• տան կանոնավոր թաց մաքրում
• անկողնային սպիտակեղենի հաճախակի փոխում /գոնե շաբաթը մեկ անգամ/
• հրաժարում ծխելուց
• պատուհանի ֆիլտրող ցանցի օգտագործում

Ալերգենի որոշումից հետո պետք է հնարավորինս նվազեցնել շփումը նրա հետ:

Քթային առատ արտադրությանը նպաստող գործոնները

• աշխատանքը արդյունաբերական արտադրամասում, որտեղ առկա է վնասակար գոլորշի
• չոր, տաք սենյակում երկարատև, մշտական գտնվելը
• օդի թարմացուցիչների կանոնավոր օգտագործումը
• մազերի լաքի կայուն օգտագործումը

Բուժումը

• հակահիստամինային դեղորայք
• քթի կաթիլներ՝ անոթասեղմիչ ազդեցության
• հորմոնալ դեղեր
• քթի խոռոչի լվացման լուծույթներ։