Պացիենտների համար

Շնչառական սուր անբավարարություն

Շնչառական անբավարարությունը զարգանում է, երբ ինչ-որ պատճառով օրգանիզմը չի ստանում բավարար քանակի թթվածին:

Շնչառական անբավարարության ժամանակ դիտվում են.

Շնչառության հաճախացում
Տախիկարդիա (սրտի զարկերի հաճախականացում)
Հևոց
Հազ
Զարկերակային ճնշման անկում
Ցավ կրծքավանդակում
Մաշկի ցիանոզ
Վախի զգացողություն մահից
Շնչառական կանգ
Գիտակցության կորուստ

Այս վիճակի ամենաաննշան ախտանիշի դեպքում անգամ պետք է դիմել մասնագիտական օգնության:

Դասակարգումը

Շնչառական անբավարարությունը դասակարգվում է ըստ.

Ախտաբանության արտահայտվածության՝ սուր և քրոնիկ
Հիվանդության ֆազայի –տարբերում են 4 ֆազա
Ծանրության աստիճանի՝ տարբերում են ծանրության երեք աստիճան
Գազային հավասարակշռության խանգարման
Առաջացման մեխանիզմի

Կյանքի համար ավելի մեծ վտանգ է ներկայացնում սուր ընթացքը, որը զարգանում է
րոպեների մեջ և պահանջում է անհետաձգելի օգնություն: Սուր ՇԱ-ը հաճախ հանդիպում է բրոնխիալ ասթմայի ժամանակ:

ՊԱՏՃԱՌՆԵՐԸ

Սուր և քրոնիկ շնչառական հիվանդություններ /թոքաբորբ, բրոնխիտ, պլևրիտ, աբսցեսներ, ուռուցք և այլն/:
Կենտրոնական նյարդային համակարգի ախտահարում
Թոքերի և սրտի անոթային ախտաբանություն
Կրծքավանդակի, ողնաշարի, գլխի վնասվածքներ (տրավմաներ)
Կոկորդի այտուց
Վերին շնչուղիների անցանելիության խանգարում

Ախտորոշումը
Հիվանդի զննում, անամնեզ, արյան հետազոտություն, սպիրոմետրիա, ռենտգեն և այլն:

Ախտորոշման նպատակն է՝ պարզել շնչառական անբավարարության առաջացրած պատճառը, արտահայտման ծանրությունը:

Բուժումը
Շնչառական անբավարարության բուժումն իրականացվում է 2 ուղղությամբ. արյան գազային հավասարակշռության վերականգնում՝ թթվածնային թերապիա և շնչառական անբավարարության պատճառ դարձած հիմնական հիվանդության բուժում:

26.12.2022