Պացիենտների համար

Թոքերի մասնագիտական հիվանդությունները /ԹՄՀ/ առաջանում են աշխատատեղում առկա քիմիական նյութերի ազդեցությամբ: Որոշ աշխատատեղերում օդում պարունակվում են վտանգավոր նյութեր՝ փոշու, ծխի, մշուշի, գազի և գոլորշու տեսքով: Դրանք կարող են լինել քիմիական կամ բիոլոգիական նյութեր, օրինակ, կենդանական ալերգեններ, բակտերիաների և սնկերի սպորներ:

Այդ նյութերի ազդեցությամբ աշխատակիցների մոտ վնասվում են թոքերը, շնչուղիները:

Որոշ դեպքերում վտանգավոր նյութերը թոքերից անցնում են մարմնի այլ շրջաններ և օրգաններ՝ ախտահանելով նաև դրանք:

Շնչառական համակարգը բաժանվում է 3 մասի.

• Վերին շնչուղիներ, որոնց մեջ ընդգրկված են բերանը, քիթը, ծոցերը, ըմպանը և կոկորդը:
• Միջին շնչուղիներ են համարվում շնչափողը և բրոնխները
• Ստորին շնչուղիները ներառում են բրոնխիոլները և ալվեոլները

Շատերի մոտ առկա է ժառանգական նախատրամադրվածություն ալերգիկ հիվանդությունների նկատմամբ:

Քիմիական կամ կենսաբանական գործոնի ազդեցությունից հետո հաճախ առաջանում են այնպիսի հիվանդություններ, ինչպիսիք են.

• Շնչուղիների գրգռվածություն
• Րինիտ
• Ասթմա
• Բիսսինոզ
• Պնևմոկոկոզ
• Թոքերի քրոնիկ օբստրուկտիվ հիվանդություն
• Ալերգիկ հիվանդություններ
• Տեֆլոնային տենդ

Յուրաքանչյուր հիվանդության համապատասխանում են նրան բնորոշ ախտանշանները.

Ասթմա և րինիտ
Ասթմայի և ալերգիկ րինիտի ախտանշաններն սկսում են դիտվել նոր աշխատատեղ տեղափոխվելուց որոշ ժամանակ անց: Եթե վիճակը բարելավվում է աշխատատեղից հեռու լինելու դեպքում /արձակուրդ, գործուղում/, անհրաժեշտ է լրացուցիչ հետազոտություններ իրականացնել որոշելու համար աշխատանքային գործոնի կապը ախտանշանների հետ:

Ասթմայից առաջ կարող է նախ րինիտն արտահայտվել որպես նախանշան:

Թոքերի քրոնիկ օբստրուկտիվ հիվանդություն և մեզոտելիոմա
Այս հիվանդությունները զարգանում են բավականին դանդաղ և սովորաբար արտահայտվում են վնասակար ազդեցության սկզբից տարիներ անց:

Եթե կասկածվում է ԹՄՀ, պետք է հետազոտվել մասնագիտացված կենտրոնում:

Ախտորոշումից հետո բուժմանը զուգընթաց անհրաժեշտ է զբաղվել ավելի անվնաս արտադրամաս կամ այլ աշխատանքի տեղափոխման հարցերով: