Պացիենտների համար

Մկանային ցավը՝ միալգիան, գրեթե միշտ ուղեկցվում է սուր սպազմերով, քանի որ այն տարածվում է ո՛չ միայն փափուկ հյուսվածքների, այլ նաև նյարդային վերջույթների վրա:

Մարդու օրգանիզմում կա 600-ից ավելի մկան, և մկանային ցավը կարող է ընդգրկել դրանցից ցանկացածին կամ ցանկացած մկանախմբի:

Պատճառները

Մեծ մասամբ մկանային ցավի պատճառը սթրեսային վիճակն է, չափից ավելի ֆիզիկական ակտիվությունը կամ գերլարվածությունը:

Միալգիա ախտորոշումից հետո բուժում անհրաժեշտ է հետևյալ դեպքերում.

• մարմնի մեկ կամ մի քանի հատվածներում մկանային լարվածություն,
• ֆիզիկական ծանրաբեռնվածությունից հետո ցավի առաջացում,
• սպորտի կամ ծանր աշխատանքի արդյունքում մկանի վնասում:

Բժիշկները նշում եմ մկանային ցավի այլ պատճառներ ևս՝ վաարակների ժամանակ (գրիպ, պոլիոմիելիտ և այլն):

Տհաճ զգացողություններ մկաններում կարող են դիտվել հետևյալ դեպքերում.

• օրգանիզմում աուտոիմուն խանգարումներ,
• որոշ դեղերի կիրառում, 
• օրգանիզմում կալիումի պակաս,
• վահանագեղձի լուրջ խնդիրներ:

Բուժումը

Մկանային ցավերի թեթև ձևերի ժամանակ կարելի է բուժվել տնային պայմաններում՝ ցավազրկող դեղորայքի օգտագործմամբ: Եթե մկանը վնասվել է, անհրաժեշտ է վնասված տեղում սառույց դնել, ինչը կանխարգելում է բորբոքային գործընթացի զարգացումը: Եթե տնային բուժումը չի օգնում, պետք է դիմել նյարդաբանի:

Հարկ է դիմել բժշկի, եթե մկաններում առանց պատճառի ուժեղ ցավ է առաջանում` երբեմն ուղեկցվելով ցանով և քորով:

Մկանային ցավերով տառապող հիվանդները պետք է հետազոտվեն (ՄՌՏ, ՈՒՁՀ), բուժվեն և վերականգնման շրջան անցնեն:

Բուժուը ներառում է.

• ասեղնաբուժություն և կետային մերսում,
• էլեկտրա- և ֆիզիոթերապիա,
• բուժական մարմնամարզություն,
• մանուալ միջոցառումներ:

Հատուկ վարժություններն օգնում են ողնաշարի խնդիրների (օստեոխոնդրոզ, ճողվածք, սպոնդիլիոզ) հետ կապված քրոնիկ ցավերի դեպքում: Մկանի ծանր վնասման ժամանակ երբեմն հարկ է լինում դիմել վիրահատական միջամտության: