Պացիենտների համար

Ծնկան հոդերն ամեն օր ենթարկվում են մեծ ծանրաբեռնվածության՝ մարմնի քաշի ծանրությանը, ինչի պատճառով խոցելի են:

Ծնկան հոդերի մաշվածությանը նպաստում են.

• առանց պատրաստվածության սպորտով զբաղվելը,
• ծանրություն բարձրացնելը,
• թույլ կապանները (հարթաթաթությունը),
• ոչ ճիշտ սնունդը (ճարպոտ, կոնսերվանտներով հարուստ, քաղցր և վիտամիններից զուրկ սնունդը),
• նյութափոխանակության խանգարումը:

Հոդերի նորմալ վիճակը երկար պահպանելու համար անհրաժեշտ է.

• սպորտով զբաղվելիս` ծանրաբեռնվածությունն աստիճանաբար բարձրացնել,
• ամրացնել մկանները` գրագետ մարզումներով,
• պահպանել սպորտաձևի կանոնները (ֆուտբոլ, բոքս, հոկեյ, թենիս, բասկետբոլ),
• վնասվածքներից հետո ճիշտ կազմակերպել վերականգնողական շրջանը,
• հարթաթաթության դեպքում` մարզումների կապակցությամբ, անպայման խորհրդակցել վնասվածքաբան-օրթոպեդի հետ: