Պացիենտների համար

Հիպերպրոտեինեմիա

Հիպերպրոտեինեմիան արյան մեջ սպիտակուցի քանակի բարձրացումն է, որը ենթադրում է որևէ հիվանդության արտահայտություն:

Սպիտակուցի դերը

Սպիտակուցները մեծ, բարդ մոլեկուլներ են, որոնք կենսական անհրաժեշտություն են բոլոր բջիջների և հյուսվածքների գործունեության համար:

Նրանք կազմում են օրգանիզմի կառուցվածքային կարևոր մասսան: Կան բազմաթիվ սպիտակուցներ, օրինակ` ալբումին, հակամարմիններ, ֆերմենտներ. այս բոլոր սպիտակուցներն իրականացնում են տարբեր գործառույթներ.

հիվանդություններից` օրգանիզմի պաշտպանություն,
օրգանիզմի գործառույթների կարգավորում,
մկանային մասսայի աճ,
ղեղերի և այլ նյութերի տեղափոխում` օրգանիզմում:

Հիպերպրոտեինեմիայի պատճառները

Հիպերպրոտեինեմիան կապված չէ սննդակարգի հետ, այն չի կարող առաջանալ սննդով մեծ քանակի սպիտակուց ընդունելու արդյունքում:

Սովորաբար, նրա մեծ քանակն արյան մեջ վկայում է այն մասին, որ օրգանիզմը պայքար է մղում վարակի կամ այլ բորբոքային գործընթացի դեմ:

Ամենահավանական պատճառներն են.

ամիլոիդոզը (օրգանիզմում անոմալ սպիտակուցների կուտակում),
ջրազրկումը,
հեպատիտ B-ն,
հեպատիտ С-ն,
ՁԻԱՀ-ը,
անհայտ գենեզի մոնոկլոնալ գամոպաթիան,
բազմակի միելոման:

Հաճախ արյան մեջ սպիտակուցի բարձր քանակը ոսկրածուծի հիվանդությունների վաղ ախտանիշ է:

Ախտորոշումը

Հիպերպրոտեինեմիան հազվադեպ է ախտանշաններով արտահայտվում, և հաճախ բացահայտվում է, երբ որևէ հիվանդության կամ վիճակի ժամանակ իրականացվում են հետազոտություններ:

Եթե ախտորոշիչ հետազոտությունների ընթացքում հայտնաբերվել է արյան մեջ սպիտակուցի մեծ քանակ, ապա խորհուրդ է տրվում կատարել լրացուցիչ հետազոտություններ, օրինակ, շիճուկային սպիտակուցի էլեկտրոֆորեզ, որպեսզի պարզվի հիմնական խնդիրը:

Բուժումը

Բուժման նպատակը ոչ թե սպիտակուցի քանակի իջեցումն է արյան մեջ, այլ դրա պատճառ հիվանդության դեմ պայքարը:

11.10.2021