Պացիենտների համար

Երբ դաստակները կորցնում են իրենց զգացողությունը, այն արտահայտվում է ձեռքերի թմրածությամբ, ինչը հաճախ առաջանում է սխալ դիրքի պատճառով: Բայց երբեմն պատճառը կարող է շատ լուրջ լինել:

Հիմնական ախտանշանները և պատճառները

Ախտանիշները հետևյալն են.

• տհաճության զգացողություն` նախաբազկի և դաստակի շրջանում
• ծակծկոցի զգացողություն,
• կարող է լինել ձեռքի ցավ, սառնություն, մաշկային ծածկույթների կապտություն:

Եթե ձեռքի դիրքը փոխելիս տհաճ զգացողություններն անցնում են, դրանք կրկնվող և երկարատև չեն, անհանգստանալու պատճառ չկա:

Մյուս բոլոր դեպքերում անհրաժեշտ է դիմել բժշկի, որովհետև պատճառները կարող են լուրջ լինել.

• վեգետոդիստոնիա,
• պարանոցային օստեոխոնդրոզ,
• Ռեյնոյի հիվանդություն,
• արյան շրջանառության խանգարում,
• իշեմիա,
• դաստակների թունելային համախտանիշ:

Ախտորոշումը

Անհանգստացնող ախտանշանների դեպքում անհրաժեշտ է դիմել նյարդաբանի: Երբեմն հարկ կլինի դիմել նաև սրտաբանի խորհրդատվության: Ախտորոշման համար պացիենտը պետք է անցնի կոմպլեքս հետազոտություններ՝ արյան և մեզի քննություն, մագնիսա-ռեզոնանսային տոմոգրաֆիա (ՄՌՏ), համակարգչային տոմոգրաֆիա (ՀՏ), ողնաշարի պարանոցային հատվածի ռենտգենոգրաֆիա, անոթների դոպլերոգրաֆիա:

Բուժումը և արդյունքները

Հետազոտություններից ելնելով, նյարդաբանը նշանակում է բուժման համապատասխան սխեմա, որն իր մեջ ներառում է.

• դեղորայքային բուժում,
• մերսում,
• ֆիզիոթերապիա:

Ճիշտ նշանակված բուժման արդյունքում վիճակը բարելավվում է, անցնում է թմրածությունը, ցավը, ծակծկոցը, վերականգնվում է արյան շրջանառությունը:

Ախտանշանի կրկնությունից խուսափելու համար պետք է խուսափել սթրեսից, հրաժարվել վնասակար սովորություններից, ճիշտ սնվել, հաճախ լինել մաքուր օդում, զբաղվել թեթև ֆիզիկական մարզումներով և կանոնավոր կերպով այցելել բուժող բժշկին:

Սկզբնաղբյուր. centerclinic.ru