Պացիենտների համար

Ալերգիկ ռինիտ

Ալերգիկ ռինիտը քթի խոռոչի լորձաթաղանթի սեզոնային կամ մշտական բորբոքումն է` պայմանավորված ալերգենի ազդեցությամբ, որը բնորոշվում է լորձաթաղանթի այտուցով, քթի փակվածությամբ, քթի խոռոչի քորով, փռշտոցով և հիպերսեկրեցիայով:

Ռիսկի գործոններ

Հիվանդության պատճառը մշտական կոնտակտն է ալերգենի հետ (ամենատարածվածները. խոտերի, ծառերի, բույսերի ծաղկափոշին, տնային փոշին, կենդանիների մորթին և այլն):

Ախտանիշներ

Երկարատև փռշտոց,
Քոր` քթում, կոկորդում, աչքերում, ականջներում,
արտադրություն քթից,
արցունքահոսություն,
աչքերի այտուցվածություն:

Ախտորոշում

Անհատական և ընտանեկան ալերգիկ անամնեզի հավաքում,
ստորին շնչառական ուղիների հիվանդությունների բացահայտում,
մաշկային ախտանիշների, ծաղկափոշային և սննդային ալերգիայի բացահայտում,
ալերգոլոգ-իմունոլոգի խորհրդատվություն, ալերգենների հայտնաբերման մաշկային թեստերի կատարում,
արյան շիճուկում սպեցիֆիկ IgE-ի որոշում,
քթի խոռոչի արտադրության բջջաբանակն հետազոտություն:

Բուժում

- Պետք է բացառել կոնտակտն ալերգենի հետ:

- Իրականացնել ալերգիկ-սպեցիֆիկ իմունաթերապիա. պատճառային ալերգենի նվազագույն քանակի ներմուծում` օրգանիզմ, աստիճանաբար բարձրացվող չափաբաժնով:
- Նշանակել ախտանշային թերապիա` հակահիստամինային, հորմոնալ պատրաստուկների ընդունում:

- Կազմակերպել ալերգոլոգ-իմունոլոգի կողմից հսկողություն:

25.09.2020