Պացիենտների համար

Ավիտամինոզը օրգանիզմին և օրգան-համակարգերի լիարժեք գործունեության համար անհրաժեշտ վիտամինների լիովին բացակայությունն է: Այս վիճակը հաճախ շփոթում են հիպովիտամինոզի հետ, որը վիտամինային անբավարարության դրսևորում է:

Պատճառները.

• հղիութուն
• երեխայի ակտիվ աճ
• մեծ տարիք
• աշխատանքի վնասակար պայմաններ
• նյարդային գերծանրաբեռնվածություն
• ծխելը
• սպորտի էքստրեմալ ձևեր
• ստամոքս-աղիքային համակարգի գործունեության խանգարում կամ այլ ներքին օրգանների հիվանդություններ
• լիարժեք սննդի բացակայություն` հատկապես ձմռանը,
• դիսբակտերիոզ` անտիբիոտիկների ընդունման հետևանքով, որը խանգարում է վիտամինների ներծծմանը
• օրգանիզմում վիտամինների գործունեությունը պաշարող ենթարկող դեղորայքի օգտագործում:

Ախտանշանները

Որպես օրենք, պացիենտի մոտ առաջին ախտանիշներն ի հայտ են գալիս մաշկի վրա (չորություն, պզուկներ), լինում է գրգռված, շուտ է հոգնում, վատանում է տեսողությունը:
Եթե մաշկի պիգմենտացիան և բորբոքումը ո՛չ միայն դեմքին են, այլ նաև մեջքին, և կան նաև շրթունքների վրա ճաքեր, դա բնորոշ է վիտամին  В2-ի դեֆիցիտին:
Ցինկի, վիտամի Е-ի և В6-ի անբավարարության դիտվում է քաշի կտրուկ փոփոխություն, որոշ դեպքերում ախտահարվում է մաշկը, լորձաթաղանթները, զարգանում է սակավարյունություն:
Վիտամին D-ի պակասի դեպքում խնդիրներ են առաջանում մկաններում, հոդերում, ատամներում: Այս վիտամինի լրիվ բացակայությունը բերում է ռախիտի զարգանում:
 Վիտամին В12-ի պակասն առաջացնում է թուլություն, սրտխփոց: Պատճառ կարող է լինել աղիներում ճիճվակրությունը:
Սրտի և կենտրոնական նյարդային համակարգի նորմալ աշխատանքի համար անհրաժեշտ է վիտամին В1-ի բավարար քանակություն, առանց որի օրգանիզմում զարգանում է բոլոր բջիջների  ընդհանուր էներգետիկ քաղց:
Այս ախտանիշներից ցանկացածի դեպքում անհրաժեշտ է դիմել բժշկի:

Բուժումը

Բնականաբար, ավելի հեշտ է կանխել, քան բուժել հետևանքները: Հիմնական թերապիան պակասող վիտամինի քանակի վերականգնումն է:
Մաշկային արտահայտված խնդիրների ժամանակ անհրաժեշտ է ընդունել պոլիվիտամիններ և լիարժեք սնունդ` ընտրելով հակաօքսիդանտներ պարունակող մթերք:
Եթե ավիտամինոզը բարձիթողի վիճակում է, նշանակվում են թիամինի կամ նիկոտինաթթվի միջմկանային կամ ներերակային ներարկումներ:

Կանխարգելման համար պետք է բացառել վնասակար սովորությունները, վարել առողջ ապրելակերպ, կազմակերպել լիարժեք հանգիստ և սնունդ: