Պացիենտների համար

Ինչպես նշում է The Daily Mail-ը, ավելի մեծահասակ ծնողների՝ մայրերի և հայրերի երեխաներն ավելի պակաս ագրեսիվ են: Կատարվել է 10-12 տարեկան 32800 հոլանդացի երեխաների վարքի ուսումնասիրություն: Նաև հաշվի է առնվել ծնողների տարիքը: Մայրերի տարիքը տատանվել է 16-48-ը, իսկ հայրերինը՝ 17-68-ը:

Պարզվել է, որ ավելի մեծահասակ ծնողներից ծնված երեխաների մոտ ավելի քիչ են վարքի խնդիրները: Գիտնականների խոսքով, տվյալ փաստը չի կարելի բացատրել մեծահասակ ծնողների կրթության ավելի բարձր մակարդակով: Ինչո՞ւմ է այդ օրինաչափության պատճառը, հետազոտողները չեն կարող ասել:

Նախկինում կատարված հետազոտությունները հայտնում էին մեծահասակ ծնողներից ծնված երեխաների՝ աուտիզմով, շիզոֆրենիայովով հիվանդացության բարձր ռիսկի մասին: Բայց վերջին հետազոտությունները դա չեն հաստատում: Ճիշտ է, բժիշկները նաև զգուշացնում են, որ հղիությունը հետաձգող կանայք պետք է պատրաստ լինեն բարդությունների: Դրանք վիժումներն են, պրեէկլամպսիաները, կեսարյան հատման անհրաժեշտությունը:

Սկզբնաղբյուր՝ meddaily.ru