Պացիենտների համար

Սննդային կենսակտիվ հավելումների (ՍԿՀ) շուկան արագորեն աճում է: Շատ մարդիկ ընդունում են հավելումներն` առանց բժշկի հետ խորհրդակցելու և, իրականում, չունենալով այդ վիտամինների պակասը: Սակայն այդպիսի «ինքնաբուժումը»  կարող է լուրջ հետևանքներ ունենալ: Ինչպես նշում է "Российская газета"-ն` Տաֆտսա Համալսարանի հղումից ելնելով, ՍԿՀ-երը կալցիումով և վիտամին D-ով ամենատարածված միջոցներից են մեծահասակների մոտ:

Դրանց օգնությամբ մարդիկ փորձում են կանխարգելել օստեոպորոզի զարգացումը: Սակայն վերջին հետազոտությունները հայտնում են, որ այդ հավելումները կրկնապատկում են քաղցկեղի առաջացման հավանականությունը: Կատարվել է ավելի քան 27000 ամերիկացիների բժշկական տվյալների հետազոտություն: Պարզվել է, որ վտանգ են ներկայացնում կալցիումի` օրական 1000 միլիգրամը գերազանցող դոզաները: Իսկ ահա, կալցիումով հարուստ մթերքն` ընդհակառակը, օգտակար է:

Հետազոտողների հաշվետվության մեջ ասվում է. «հայտնաբերված է կապ օգտագործվող սնուցող նյութերի ավելցուկի և անցանկալի հետևանքների միջև, ներառյալ` քաղցկեղի որոշ տեսակների բարձր ռիսկը: Կարևոր է հասկանալ, թե ինչպիսի՞ դեր ունի ո՛չ միայն տվյալ սնուցող նյութը, այլ նաև նրա աղբյուրը»:

Հետազոտվել են նաև այլ նյութեր: Այսպես. Վիտամին K և մագնեզիումը իջեցրել են վաղաժամ մահվան վտանգը, վիտամին A-ն և ցինկը նվազեցրել են սիրտ-անոթային հիվանդություններից մահվան հավանականությունը, սակայն խոսքը  վերաբերել է բացառապես այն դոզաներին, որոնք կարելի է ստանալ սննդով:

Սկզբնաղբյուր՝ meddaily.ru