Պացիենտների համար

Նորագույն ջերմակայուն ամանեղենում, կաթսաներում և ջրակայուն հագուստի մեջ առկա միկրոսկոպիկ մասնիկները կարող են սննդի հետ անցնել մարդու օրգանիզմ և նպաստել քաղցկեղի առաջացմանը:

Շրջակա միջավայրի պահպանության գործակալությունը Վաշինգտոնում հրապարակվել է հոդված, համաձայն որի, ջերմակայուն ամանեղենում, ջրակայուն հագուստում և աղտոտման  նկատմամբ կայուն գորգերում պարունակվող միկրոսկոպիկ մասնիկները կարող են անցնել մարդու օրգանիզմ և քաղցկեղ առաջացնել: Այդ մասին հայտնում է Daily Mail հրատարակչությունը:

Պերֆտորոկտանաթթուն (PFOA) օգտագործվում է տեֆլոնից պատրաստվող իրերի արտադրության համար, ինչպես նաև ջերմակայուն, ջրակայուն և աղտոտման նկատմամբ կայուն իրերում: Սակայն այդ նյութն ունի տոքսիկ և կանցերոգեն հատկություններ:  Ապացուցված է, որ լաբորատոր կենդանիների մոտ  այն մեծացնում է լյարդի, ենթաստամոքսային գեղձի և սեռական օրգանների ուռուցքների զարգացման վտանգը, ինչպես նաև` նպաստում է անպտղությանը:

Դրանից զատ, PFOA-ն առաջացնում է հորմոնալ փոփոխություններ, վահանագեղձի գործունեության խանգարում և աղիների բորբոքում:
Մարդը կարող է ենթարկվել պերֆտորոկտանաթթվի աղդեցությանը` ջերմակայուն ծածկույթով կաթսաների և թավաների ուժեղ տաքացման կամ վնասման ժամանակ:

Աղբի մեջ նետված տեֆլոնե ամանեղենը նույնպես վտանգ է ներկայացնում արտաքին միջավայրի համար, քանի որ PFOA-ն կարող է հողի մեջ հիմնայնացվել և անցնել խմելու ջրի մեջ:

Սկզբնաղբյուր՝ korrespondent.net