Պացիենտների համար

Պարզվում է, որ տեղում թռիչքներին նվիրված ընդամենը 6 րոպեն մեկ շաբաթվա ընթացքում բավարար է ոսկրերն ամրացնելու և օստեոպորոզի ռիսկը նվազեցնելու համար. Գրում է "Новости Mil.RU"-ն: Իրականացվել է էքսպերիմենտ 50 տարեկանից բարձր 14 կանանց հետ, որոնց մոտ ոչ վաղուց արդեն սկսվել է դաշտանադադար:  Ինչպես հայտնի է, հենց այդ շրջանում է բարձրանում օստեոպորոզի վտանգը: Խմբերի բաժանված փորձի մասնակիցները կատարել են տարբեր տեսակի վարժություններ, այդ թվում՝ թռիչքներ:

Օրինակ, որոշ կանանց խնդրել են թռչել մաքսիմալ բարձր, ձեռքերը թափահարելով և իջնել գետնին անպայման ոտնաթաթերի վրա և ծալած ծնկներով: Կանանց երկրորդ խումբը թռիչքով բարձրացել և իջել  է 20 սանտիմետրանոց արկղից:  Երրորդ խումբը կատարել է հարվածային ծանրաբեռնվածությամբ վարժություններ կրունկոսկրի վրա. Պահանջվել է կանգնել թաթերի վրա ձգվելով վեր, իսկ հետո թափով թուլանալ և իջնել կրունկների վրա: Կանայք կատարել են 3 մոտեցումը 10 կրկնությամբ և կարճատև հանգստի ընդմիջումներով:

Ոսկրերի վրա ամենալավ ազդեցություն ունեցավ վարժությունների առաջին տեսակը: Սակայն ազդել են նաև մյուս երկու տեսակները՝ դրանք դրդել են մկանները, որի շնորհիվ ընթացել է օստեոգենեզ /ոսկրային հյուսվածքի  աճ/: Բժիշկների կարծիքով՝ բավական է իրականացնել 30 թռիչք շաբաթը 3 անգամ: Մեկ տարում դա կտա ոսկրային հյուսվածքի 2 տոկոս աճ:

Սկզբնաղբյուր՝ meddaily.ru