Լուրեր
Պարգև առողջապահության համակարգում երկարատև և անմնացորդ աշխատանքի համար
Հայաստանի առողջապահության համակարգում երկարատև և անմնացորդ աշխատանքի, ինչպես նաև բժշկագիտության զարգացման գործում ներդրած գնահատելի ավանդի համար իր ծննդյան 65-ամյակի կապակցությամբ «Արմենիա» հանրապետական բժշկական կենտրոնն արդեն ավելի քան 26 տարի ղեկավարող Գրիգորի Գրիգորյանն այսօր պարգևատրվեց ՀՀ առողջապահության նախարարության հուշամեդալով:
Գրիգոր Գրիգորյանը շնորհակալություն հայտնեց պարգևի համար` ընդգծելով, որ այն թե՛ պատասխանատու է, թե՛ պարտավորեցնող:
Գլխավոր տնօրենը հավաստեց, որ առաջիկայում ևս իր ղեկավարած թիմի հետ համատեղ կշարունակեն հիվանդանոցի որդեգրած զարգացման ուղին: Նա ընդգծեց, այս բազմապրոֆիլ բժշկական հաստատությունում մշտապես ուշադրության կենտրոնում են տրամադրվող բուժօգնության որակի բարելավումը, ինչպես նաև մատուցվող ծառայությունների ընդլայնմանն և մատչելիության ապահովմանն ուղղված քայլերը: