Պացիենտների համար
- Covid 19
- Մաշկային հիվանդություններ
- Մարսողական համակարգ
- Սիրտ-անոթային համակարգ
- Թերապիա
- Ոսկրա-մկանային համակարգ
- Քիթ-կոկորդ-ականջաբանություն
- Նյարդային համակարգ
- Ուրոլոգիա
- Գինեկոլոգիա
- Առաջին օգնություն
- Էնդոկրինոլոգիա
- Վիրաբուժություն
- Առողջ ապրելակերպ
- Ախտորոշում
Ստամոքս-աղիքային համակարգի վերին հատվածների ստենտավորում
Ստամոքս-աղիքային համակարգի (ՍԱՀ) վերին հատվածների որոշ հիվանդություններ առաջացնում են տարեր հատվածների լուսանցքի նեղացում, կամ լրիվ անանցանելիություն, որը սննդի ընդունումը և մարսումը դարձնում են անհնար:
Նախկինում նման վիճակների ժամանակ կատարվում էին բարդ վիրահատություններ, իսկ այժմ անցանելիության վերականգնումն իրականացվում է ախտահարված շրջանի ստենտավորմամբ:
Ստենտը յուրահատուկ խողովակաձև կաղապար է, որը պատրաստված է մետաղից կամ պոլիմերից: Ստենտավորումը վիրահատական միջամտությամբ նեղացած հատվածի լայնացման նպատակով ստենտի ներդրումն է: Ստենտավորումն իրականացվում է ընդհանուր անզգայացմամբ:
Կիրառումը
Ստենտները հաճախ կիրառում են ՍԱՏ չարորակ ուռուցքների ժամանակ: Ուռուցքային գործընթացն ուղեկցվում է ուռուցքի նկատելի աճով, որն բերում է, օրինակ, կերակրափողի լուսանցքի նեղացման: Ստենտի տեղադրման ցուցումներ են նաև` կերակրափողի այրվածքը, հետվիրահատական և վնասվածքներից հետո սպիացման արդյունքում նեղացումները:
Հնարավոր բարդությունները
Ստենտավորումը, ինչպես և ցանկացած վիրաբուժական միջամտություն, կապված է բարդությունների զարգացման վտանգի հետ:
Հազվադեպ տեղի է ունենում ստենտի արտամղում: Նման դեպքերում ստենտը հեռացվում է և դրվում է նորը: Առկա է հաստ աղու պերֆորացիայի վտանգ:
Կենսակերպը
Աղիների մեջ ստենտի տեղադրումից հետո բուժառուն կարող է ապրել սովորական կյանքով: Սնունդը ներառում է բավարար քանակի բջջանք և շատ հեղուկներ: Պետք է բացառել դժվարամարս և գազ առաջացնող մթերքները: Ստենտի առկայության դեպքում անհրաժեշտ է սնվել հաճախ, փոքր չափաբաժիններով:
Հսկողությունը
Կապված հիմնական հիվանդության հետ, որի արդյունքում առաջացել է նեղացումը, հիվանդը հսկվում է թերապևտի, ուռուցքաբանի կամ վիրաբույժի կողմից:
Ստենտի հեռացումը
Հնարավորության դեպքում, հետագայում իրականացվում է վիրահատական միջամտությամբ ախտաբանական օջախի հեռացում` ստենտի հետ միասին: Եթե հնարավոր չէ հեռացնել օրգանի այն մասը, որտեղ նեղացումն է, ստենտը մնում է մշտապես: