Պացիենտների համար
- Covid 19
- Մաշկային հիվանդություններ
- Մարսողական համակարգ
- Սիրտ-անոթային համակարգ
- Թերապիա
- Ոսկրա-մկանային համակարգ
- Քիթ-կոկորդ-ականջաբանություն
- Նյարդային համակարգ
- Ուրոլոգիա
- Գինեկոլոգիա
- Առաջին օգնություն
- Էնդոկրինոլոգիա
- Վիրաբուժություն
- Առողջ ապրելակերպ
- Ախտորոշում
COVID-19. ախտանշանները
Կորոնավիրուսը վիրուսների ընտանիք է, որը կարող է հայտնաբերվել ինչպես մարդու մոտ, այնպես էլ` կենդանիների: Սովորաբար, կորոնավիրուսները թեթև բորբոքային գործընթացներ են առաջացնում` շնչուղիներում: Ավելի լուրջ կլինիկական դեպքեր են գրանցվել SARS- և MERS-կորոնավիրուսներով վարակների ժամանակ: SARS-CoV-2 վիրուսը գենետիկորեն նման է SARS կորոնավիրուսին:
COVID-19 ախտանիշները առանձնահատուկ չեն և կարող են տարբերվել` ըստ արտահայտվածության աստիճանի: Հիվանդությունը կարող է ընթանալ առանց հիվանդության ախտանշանների, սակայն կարող է նաև առաջացնել ծանր թոքաբորբ, իսկ վատագույն դեպքում` ռիսկի խմբի մարդկանց մոտ, կարող է մահացու ելք ունենալ: Ի՞նչ է անում վիրուսը մեր օրգանիզմի հետ: Վնասու՞մ է այն, արդյոք, որևէ կոնկրետ օրգան:
Կորոնավիրուսով վարակվածների մեծ մասի մոտ հիվանդությունն ընթանում է թեթև: Հիշեցնենք, որ Heading 2 ռիսկի խմբի մեջ են մտնում քրոնիկական հիվանդությամբ մարդիկ, որոնց մոտ հիվանդությունն ավելի հաճախ է ընթանում բարդություններով, քան` մյուսների մոտ: Ռիսկի խմբում են տարեցները և քրոնիկական հիվանդություններով տառապող մարդիկ, որոնց մոտ հաճախ հիվանդության լուրջ ձևերն են դրսևորվում:
Հիմնական ախտանիշներն են.
- Գլխացավ
- Հոտառության կորուստ
- Քթի փակվածության զգացում
- Հազ
- Հոգնածություն և թուլություն
- Մկանային ցավեր
- Հարբուխ
- Համի զգացողության կորուստ
- Ցավ կոկորդում
- Բարձր ջերմություն
Ավելի ծանր դեպքերում կարող են լինել.
- դժվարացած շնչառություն,
- ցավ` կրծքավանդակում,
- խոսքի և շարժումների խանգարում:
Ներկա տվյալներով` COVID-19 վիրուսի ախտանիշները շատ նման են գրիպի ախտանիշներին: Վիրուսը կարող է առաջացնել հազ, բարձր ջերմություն և բերել շնչառության դժվարացման:
Վիրուսով վարակումը տեղի է ունենում հիվանդի հետ սերտ շփման արդյունքում, որն ունի բնորոշ ախտանիշներ, առաջին հերթին` հազ:
Վիրուսի գաղտնի շրջանը մոտավորապես 2-14 օր է, միջինը` 5 օր:
Կորոնավիրուսով վարակման կանխարգելման առաջնային միջոցառումներից է ձեռքերի հիգիենան:
Կորոնավիրուսի վարակման մասին վկայում է, եթե առկա են հետևյալ ախտանշաններից.
- հազ,
- ջերմություն> 38°C,
- դժվարացած շնչառություն,
- ցավ` կոկորդում:
Գնահատե՛ք առողջական Ձեր վիճակը և գործե՛ք համապատասխան.
- ախտանիշները թեթև են կամ չափավոր. մնացեք տանը, հետևեք սեփական վիճակին և մեկուսացեք,
- ախտանիշները ծանր են (ջերմությունը> 38°C, հազ), մնացեք տանը և բժիշկ հրավիրեք,
- առողջական վիճակը կրիտիկական է (դժվարացած շնչառություն` անհետաձգելի բուժօգնություն է անհրաժեշտ), զանգահարեք շտապօգնություն,
- սերտ շփում եք ունեցել COVID-19 վարակված մարդու հետ, մնացեք տանը, հետևեք Ձեր վիճակին և մեկուսացեք: