Պացիենտների համար
- Covid 19
- Մաշկային հիվանդություններ
- Մարսողական համակարգ
- Սիրտ-անոթային համակարգ
- Թերապիա
- Ոսկրա-մկանային համակարգ
- Քիթ-կոկորդ-ականջաբանություն
- Նյարդային համակարգ
- Ուրոլոգիա
- Գինեկոլոգիա
- Առաջին օգնություն
- Էնդոկրինոլոգիա
- Վիրաբուժություն
- Առողջ ապրելակերպ
- Ախտորոշում
Թիրեոտոքսիկոզ
Թիրեոտոսիկոզը ախտաբանական վիճակ է, երբ օրգանիզմում վահանագեղձի կողմից նորմայից ավելի է արտադրվում թիրեոիդ հորմոնը: Թիրեոտոսիկոզն ինքնուրույն հիվանդություն չի համարվում, այն հետևանք և արտահայտություն է հիվանդությունների, որոնց ժամանակ
1. վահանագեղձն արտադրում է մեծ քանակի հորմոններ,
2. գեղձի բջիջները քայքայվում են և հորմոններն անցնում են արյան մեջ:
Թիրեոտոքսիկոզը հաճախ անմիջական կապ ունի աուտոիմուն բնույթ կրող դիֆուզ տոքսիկ զոբի հետ, երբ իմուն համակարգի հրահանգով դրդվում է հորմոնների արտադրությունը: Արդյունքում վահանագեղձը չափերով մեծանում է: Այդ ախտաբանությունը հայտնի է որպես Բազեդովյան և Գրեյվսի հիվանդություն: Հաճախ այդ հիվանդությամբ հիվանդանում են երիտասարդները:
Տոքսիկ ադենոման բարորակ ուռուցք է, որի ժամանակ գեղձի վրա կարող են արտահայտվել մի քանի հանգույցներ, որը կոչվում է բազմահանգուցային տոքսիկ զոբ: Հանգույցներն արտադրում են ավելորդ թիրեոիդ հորմոններ` առաջ բերելով թիրեոտոքսիկոզ: Այդ ախտաբանությունը հիմնականում զարգանում է 55 տարեկանն անց կանանց մոտ:
ԹԻՐԵՈՏՈՔՍԻԿՈԶԻ ԱԽՏԱՆՇԱՆՆԵՐԸ
Թիրեոիդ հորմոնների ավելցուկն ազդում է մի շարք օրգան- համակարգերի աշխատանքի վրա: Սիրտ-անոթային համակարգի կողմից դիտվում են սրտխփոց, առիթմիա, սրտային անբավարարություն, հիպերտոնիա:
Նյարդային համակարգի արձագանքն դրսևորվում է լացկանությամբ, անկայուն տրամադրությամբ, գրգռվածությամբ:
Ոսկրա-մկանային համակարգում հորմոնների մեծ քանակի ազդեցությամբ առաջանում է մկանային թուլություն և ոսկրերի փխրունություն:
Սեռական համակարգը նույնպես տուժում է թիրեոիդ հորմոնների մեծ քանակից. նվազում է սեռական հակումը, խանգարվում է դաշտանային ցիկլը, տղամարդկանց մոտ` էրեկցիան:
Թիրեոտոքսիկոզի ախտանշաններն են.
- կտրուկ նիհարում,
- ուժեղ քրտնարտադրություն,
- ջրիկ կղանք,
- ջերմի զգացողություն,
- վահանագեղիը մեծացման դեպքում` կլման դժվարացում:
Դիֆուզ տոքսիկ զոբի նշաններից է էկզոֆթալմիան: Նկարագրված ախտանշանների առկայության դեպքում անհրաժե'տ է դիմել մասնագետի:
ԹԻՐԵՈՏՈՔՍԻԿՈԶԻ ԲՈՒԺՈՒՄԸ
Բուժումը կազմակերպվում է` հաշվի առնելով ախտաբանական վիճակի պատճառը:
Բազեդովյան հիվանդության ժամանակ օգտագործվում են թիրեոստատիկ պատրաստուկներ, որոնք պակասեցնում են հորմոնների արտադրումը: Բուժման կուրսը, սովորաբար, երկարատև է` մինչև 1,5 տարի:
Կիրառվում է նաև վիրահատական միջամտություն. հեռացվում է կամ ամբողջ գեղձը կամ` նրա մի մասը:
Նշանակվում է նաև ռադիոակտիվ յոդ` ներքին ընդունման ձևով:
ԻՆՉՈՎ Է ՎՏԱՆԳԱՎՈՐ ԹԻՐԵՈՏՈՔՍԻԿՈԶԸ
Թիրեոտոքսիկոզը չբուժելու դեպքում կարող են լուրջ բարդություններ ի հայտ գալ` հիպերտոնիա, առիթմիա, սրտի իշեմիկ հիվանդություն: Ծանր բարդություն է թիրեոտոքսիկ կրիզը, երբ խանգարվում է սրտի ռիթմը, կենտրոնական նյարդային համակարգի աշխատանքը:
Բարդություններից խուսափելու համար, թիրեոտոքսիկոզի ախտանշանների դեպքում, անհրաժեշտ է անմիջապես հետազոտվել և բուժվել մասնագետի մոտ:
Սկզբնաղբյուր՝ medsovet.info