Պացիենտների համար
- Covid 19
- Մաշկային հիվանդություններ
- Մարսողական համակարգ
- Սիրտ-անոթային համակարգ
- Թերապիա
- Ոսկրա-մկանային համակարգ
- Քիթ-կոկորդ-ականջաբանություն
- Նյարդային համակարգ
- Ուրոլոգիա
- Գինեկոլոգիա
- Առաջին օգնություն
- Էնդոկրինոլոգիա
- Վիրաբուժություն
- Առողջ ապրելակերպ
- Ախտորոշում
Կրծքավանդակի շրջանի ցավերի արտասրտային պատճառները՝ թոքային զարկերակի թրոմբոէմբոլիա / ТЭЛА/
ТЭЛА -ի ժամանակ կրծքավանդակի շրջան ցավ դիտվում է 50-90 տոկոս դեպքերում, լինում է սուր, իր ինտենսիվությամբ և տեղակայմամբ /կրծոսկրի ետևում կամ պարաստերնալ/ կարող է հիշեցնել միոկարդի ինֆարկտի ցավային տեսակը: Շատ հաճախակի ախտանիշ է նույնպես հանկարծ առաջացող հևոցը : Բնորոշ են կտրուկ թուլությունը, մասսիվ ТЭЛА-ի ժամանակ կարող է գիտակցության կորուստ լինել: Հիվանդների մի մասի մոտ լինում է արյունային խորխարտադրություն: Օբյեկտիվ հետազոտման ժամանակ դիտվում են՝ գունատություն, ցիանոզ, տախիպնոէ, թույլ կամ թելանման պուլս, ճնշման անկում, երկրորդ տոնի ակցենտ և սիստոլիկ աղմուկ թոքային զարկերակի վրա: Հնարավոր են՝ շնչառության թուլացում, թաց խզզոցներ և պլևրայի շփման աղմուկ:
ТЭЛА-ի ընթացքը կախված է թրոմբի մեծությունից և թոքային զարկերակի ախտահարման աստիճանից: Հիմնական բնի ախտահարման ժամանակ լինում են հանկարծ ի հայտ եկող հևոց և ցիանոզ, կրծոսկրի հետևում ուժեղ ցավ, գիտակցության անկում: Հնարավոր է լետալ ելք մի քանի րոպեների ընթացքում:
Խոշոր ճյուղերի ТЭЛА-ին բնորոշ են.
- Կրծքում ինտենսիվ ցավ
- Հանկարծ, կտրուկ հևոց
- Մարմնի վերին մասի ինտենսիվ ցիանոզ
- Ռիթմի խանգարում վերփորոքայի տախիկարդիայի տիպի
- Զարկերակային ճնշման ռեֆլեկտոր իջեցում
Թոքային զարկերակի մանր ճյուղերի ախտահարման ժամանակ առաջանում կամ ավելանում են հևոցը, թեթև ցիանոզը, թեթև ցավը կրծքում կապված շնչառության, հազի հետ, որը կարող է ուղեկցվել արյունային խորխարտադրությամբ, կարող են լինել թաց խզզոցներ և աուսկուլտացիայի ժամանակ պլևրայի շփման աղմուկ:
Սկզբնաղբյուր՝ likar.info